Seex Musaa Ka: Xarnu bi

Cofeel gi, moo ma ko xamal
Moo tax ba dóotu ma selaw
Leeram gi, daal may tex-texaan
Seex Bàmba, yaa di sun Imaam
Sëriñ si woon dañoo texëm
Ku leen faboon, teg ci balaas
Xawsu ya, mooy séen Yilimaan
Moo am “fasaahatu lisaan”
Moo am “maxaarijul huruuf”
Mooy “Muhjisaati adnaan”
Tuubaa, ñeel na kuy muriid
Jox naa ko fàww sama xol
Bàmba, da ngay boroomi may
Woyu nu ngir bëgg i dërërm
Yaw mi laggeeyal sa boroom
Tàbbal nu “jannatul na`iim”
Ridwaan tijjil nala, nga wéy
Nopplu jil ca «Illiyiin»
{Ak Mursaliina’ak Lanbiyaa
Yural sa punk, te dem fanaan
{Alhamdulillaahi na ngéen;
Yaw mi laggéeyal Mustafaa
Matna xaliifatul xadiim
Noppeek, goreek, tàllal ndijoor
Taafeeri njool aaminata
Yaa neex a way, te neex a taas
Raayaw ngënéel wi yaako yor
Mboolem sixaarun wa kibaar
Robino yaangi’y walangaan
Jumaa ji yaa ko taxawal
Yaw la sulaymaan xamalon
Daawuda Bàmba lay misaal
Ndommoy ngënéel ya won ca maam
Muriid yi jox nala’y Idaay
Yàlla nangay muuram muriid
“Allaahu dhoo-l-fadlil aziim”
Mooy doomi “shamsun wa xamar”
Saddiiti baayam lay royaat
Mooy noobalub lislaam fi nun
Ma wax la lëf, ci ay jikkoom
Dem na ba màkkam jullikaay
Taalif i baayam’ay wayam
Yàlla na am lamuy mébét;
Nan tang ahmadul amiin
Baatin ba, jaaxal na’w kajoor
Faj aajo, moo ci gën a gaaw
Day way te jàngulon haraf
Fab na ca yaayam, yan yu diis
Sañ-sañ ba, lënde na ci moom
Rijaal ya ,xam nañ darajaam
Yal nañ ko may mbóoti lamiin
Mbég maangi! teeru leen bashiir
Moo am jalaal te am jamaal
Taar ba ca yuusufal kariim
Ca ag rawam, la daal di raw
Sóobu na giirum tasawuuf
`Ilmud Diraaya la jagoo
Moo donn Ahmadu-l-Amiin
Du mere nit, ba di ko dóor
Tarqiya, mag ña won fa moom
Inaaya, moodi ay jikkoom
Xam-xam bi, raw na sama xel
Cofeel gi, tee namaa nelaw
Saa xol di dem, ba poroxaan
Yaw la nu teg fa sunu maam
Ñoo way ne ñeex, ba xerem
Jël Bàmba, teg ca bee balaas
Moo sàmmuwaanteek Alxuraan
Laaya yi, moo xam seen cosaan
Làmmeñu yaaram lañ ko roof
Yuñ wàcce aaxirus samaan
Waylun, ñeel na kuy mariid
Saabub ngënéelamay setal
Te nun, nu def woroom i moy
Mbàkke, danuy sàkku ngërëm
Ba am ngërëm “xayrul Xadiim”
Ten dëkk fa’ak sa yépp doom
Jox nala njéndi yu la doy
Yàlla gërëm nala’ak «Lamiin»
Ak taabi`iina’ak lawliyaa
Diggante kawsara’ak jinaan
Di sant rabbal `Aalamiin
Bul fàtte, amdi Mustafaa
Fees na plaa,s ba mat na doom
La moome saalum ak kajoor
Yaa donn njool aaminata
Ngir xarnu bii, amoo fi maas
Yaa teggi tuur ba, daw ba sar
Yaa tax ñu tàbbi ci’g saxaar
Nuy naan ni kawsara’ak jinaan
Yaa tee mu naaxsaay ni’w yoral
Karyeer ba, doj ya ca deson
“Bayti-l-Muqaddasi” la naal
Ya sëtu kokki aki ndaam
Tubaab ya jox la’y midaay
Te Yàlla booy, muuram mëriid
Kum jox ngënée,l deefi la yéem
Mbàkkeek, mbusóobe duñ ko jar
Leerug cosaan ga day royaat
Mboolem shariif yi moo ci gën
Lewet, woyof, ànd’ak sagoom
Haj na, siyaare ngën ji baay
Moo donn duusi xam-xamam
Ci nun, nu am li nuy mébét;
Moom lañu may sirrul masuun
Mootax ñu lëm ko jammi biir
Lum wax boroomam muni waaw
Te màndaxaam du ca shuruf